Մինսկում բախումների արդյունքում զոհվել է առաջին ցուցարարը

Առաջին մարդն է զոհվել Մինսկում տեղի ունեցած բողոքի ցույցերի ժամանակ, գրում է «NEXTA Live» Telegram- ալիքը։

Ինչպես նշվում է, կադրում երևում է, թե ինչպես է բժիշկը ծնկի վրա նստել գետնին պառկած մարդու կողքին: «Ըստ նախնական տեղեկությունների՝ երիտասարդը մահացել է», – ասվում է լուսանկարում նշված վերնագրում:

Ավելի վաղ հայտնի էր դարձել, որ Մինսկի փողոցներում մի քանի ցուցարար վնասվածքներ են ստացել: Նրանցից մեկն արնաշաղախ հոսպիտալացվել է շտապօգնության մեքենայով: Տուժողը պարզաբանել է, որ ոստիկանները մահակներով ծեծի են ենթարկել իրեն:

Երեկոյան նախագահական ընտրությունների առաջին արդյունքների հրապարակումից հետո Բելառուսի մի շարք քաղաքներում չարտոնված բողոքի ցույցեր սկսվեցին:

1in.am

Հայերեն ռադիոալիքին հետևեք սոցցանցերում

https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio