Հայտնի է կորոնավիրուսի բազմացումը դադարեցնող վիտամինը. գիտնականներ

Հնդկաստանի բարձրագույն կրթության Մանիպալի ակադեմիայի եւ Կենսատեխնոլոգիաների տարածաշրջանային կենտրոնի գիտնականները պարզել են, որ վիտամին B12-ը կարող Է արգելափակել կորոնավիրուսի բազմացումը:

Համապատասխան հետազոտությունը հրապարակվել Է IUBMB Life հանդեսում, տեղեկացնում Է «Արմենպրես»-ը:

Մասնագետներն անցկացրել են համակարգչային մոդելավորում՝ նպատակ ունենալով հայտնաբերել, թե բնամթերքների եւ դեղամիջոցների որ մոլեկուլները կարող են ճնշել nsp12-ին, որը պարունակվում Է SARS-Cov-2-ի գենոմի մեջ եւ պատասխանատու Է վիրուսի բազմացման համար: Պարզվել Է, որ B12-ի թողարկման հատուկ ձեւը՝ մետիլկոբալամինը, կարող Է ճնշել վիրուսային բջիջների ռեպլիկացիան:

«Այդ նյութը կարող Է որպես կանխարգելիչ միջոց նշանակվել այնպիսի խմբերի համար, ինչպիսիք են բուժանձնակազմը, տարեցները, կամ ուղեկցող հիվանդություններ ունեցող մարդիկ՝ վարակման հավանականությունը նվազեցնելու եւ հիվանդանոցում անհետաձգելի օգնություն ցուցաբերելու համար»,-ասվում Է հայտարարության մեջ: Այդուհանդերձ, գիտնականները նշում են, որ այն բանի համար, որպեսզի փոփոխություն մտցվի COVID-19-ով հիվանդների բուժման արձանագրությունների մեջ, անհրաժեշտ Է մի շարք լրացուցիչ հետազոտություններ անցկացնել, հաղորդել Է ՌԻԱ Նովոստին:

Armenpress.am

Հայերեն ռադիոալիքին հետևեք սոցցանցերում

https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio