Ալիևը նախազգուշացրել է Հայաստանին ՝ չթիրախավորել նավթատարները և գազատարները
Իլհամ Ալիևը նախազգուշացրել է դեպի Եվրոպա գազ և նավթ տեղափոխող խողովակաշարերը Հայաստանի կողմից թիրախավորելու հնարավոր քայլի կապակցությամբ:
«Եթե այս խողովակաշարերի հետ ինչ-որ բան պատահի, Հայաստանը կենթարկվի միջազգային ուժեղ ճնշման», - հինգշաբթի երեկոյան Թվիթերում գրել է Իլհամ Ալիևը:
Ադրբեջանի նախագահն այնուհետև Հայաստանին մեղադրել է եռակողմ հրադադարի համաձայնագրերի դրույթներ խախտելու մեջ և ասել. «Չնայած Բաքուն բազմիցս խնդրել է Կարմիր խաչի միջազգային կոմիտեին միջամտել ռազմագերիների և դիակների փոխանակման հարցում, հայկական կողմը դեմ է եղել այդ խնդրանքին: Այդ պատճառով, որոշվեց դիակները և բանտարկյալներին միակողմանի հանձնել Հայաստանին»:
«Ալիևը գրել է, որ Լեռնային Ղարաբաղի տարածաշրջանն Ադրբեջանի «ամենագեղեցիկ, բարեկեցիկ և օրհնված» շրջաններից մեկն է, հավելելով, որ այս տարածաշրջանը շատ կարևոր դեր է ունենալու երկրի կայուն զարգացման գործում:
Իլհամ Ալիևը գրել է, որ Ադրբեջանի և Հայաստանի միջև միջնորդական դերակատարություն ստանձնած երկրները պետք է չեզոք լինեն:
