Թրամփը չի ընդունում ընտրություններում իր պարտությունը
Ընտրություններում իր պարտությունը չընդունելով, Դոնալդ Թրամփն իր կողմնակիցներին դրդում է անկարգություններ հրահրել և այդպիսով փորձում է ուշացնել իշխանության փոխանցումը Բայդենին:
Վաշինգտոնում Թրամփի տասնյակ հազարավոր աջակիցների փողոց դուրս գալուց մեկ օր անց, Ռոյտերս լրատվական գործակալությունը հաղորդել է, որ իշխանությունը Ջո Բայդենի խմբին փոխանցման գործընթացում խնդիրներ կան:
Նախագահ Դոնալդ Թրամփի կողմնակիցները երթով շարժվել են դեպի Վաշինգտոնում գտնվող Գերագույն դատարանի շենք: Մի քանի հազար հոգանոց հավաքի մասնակիցները վանկարկել են «Վերջ ընտրությունների գողությունը»:
Բողոքի ցույցերին մասնակցել են նաև ծայրահեղ աջակողմյան խմբեր, ինչպիսիք են «Հպարտ տղաները», որոնք հիմնականում զինված են:
Ցուցարարները բախվել են սևազգեստ այլ խմբի հետ, ովքեր բողոքում էին Թրամփի դեմ: Ոստիկանությունը միջամտել է՝ կանխելու բռնությունները:
Վաշինգտոնում տեղի ունեցած ցույցից հետո, Թրամփը Թվիթերում գրել է, որ ԱՄՆ-ի ընտրական համակարգը կոռումպացված է:
Սպիտակ տան խոսնակ Քելի Մաքքոնելը հայտարարել է որ ԱՄՆ նախագահի ավելի քան մեկ միլիոն կողմնակիցներ գտնվում են Վաշինգտոնում:
Նոյեմբերի 3-ին, ԱՄՆ-ի ընտրություններում հաղթած Բայդենը վերջին օրերին խորհրդակցություններ է անցկացնում իր խորհրդականների հետ՝ կառավարության կազմի նշանակման հարցով, շնորհավորանքներ է ստանում տարբեր երկրների ղեկավարներից և պարզաբանում իր քաղաքականությունները երդմնակալությունից և Սպիտակ Տնում ներկայանալուց հետո: Բայդենն այսօր էլ խորհրդակցություններ է անցկացնելու իր խորհրդականների հետ:
ԱՄՆ-ի ազգային անվտանգության նախկին խորհրդական՝ Ջոն Բոլթոնը թվիթերում զգուշացրել է, որ հանրապետական կուսակցությունը Բայդենին որպես նախագահ չընդունելու դեպքում, ծանր գին է վճարելու:
Հանրապետական Թրամփը չի ընդունում իր պարտությունը և շարունակում է պնդել թե ընտրախախտումներ են տեղի ունեցել: Հրաց, որը խնդիրներ է առաջացրել նոր կառավարության ձևավորման հարցով:
Բայդենը ստացել է ընտրական կոլեգիայի 306 ձայն, այն դեպքում երբ 270 ձայնը երաշխավորում է ընտրություններում հաղթանակը:
