Մոսկվայում տեղի է ունենալու Զարիֆի ու Լավրովի հանդիպումը
Ռուսաստանի ԱԳ նախարարության խոսնակը հայտարարել է.«Իրանի իսլամական հանրապետության և Ռուսաստանի դաշնության ԱԳ նախարարները Մոսկվայում հանդիպելու և բանակցելու են Համատեղ գործողությունների համապարփակ ծրագրի և Ղարաբաղի հարցի շուրջ»:
ՏԱՍՍ լրատվական գործակալության փոխանցմամբ՝ ՌԴ ԱԳՆ խոսնակ Մարիա Զախարովան հինգշաբթի օրն ասել է.«Իրանի և Ռուսաստանի ԱԳ նախարարներ Մոհամմադ Ջավադ Զարիֆը և Սերգեյ Լավրովը նոյեմբերի 23-ին Մոսկվայում խորհրդակցելու են միջազգային կարևոր հարցերի, ներառյալ Ղարաբաղյան տարածաշրջանի, ՀԳՀԾ-ի իրավիճակի և Սիրիայում ու Աֆղանստանում տիրող իրավիճակի շուրջ»:
«Լավրովը և Զարիֆը մտադիր են քննարկել երկկողմ հարցեր, այդ թվում էներգիայի, տրանսպորտի ոլորտում կարևոր նախագծերի իրականացման բնագավառում առևտրատնտեսական բաղադրիչները և մշակութային ու մարդասիրական հարաբերությունների հեռանկարը»,հավելել է Զախարովան:
ՌԴ ԱԳ նախարարության խոսնակը նաև ասել է.«Սա համարվում է 2020 թվականին Զարիֆի չորրորդ այցը Մոսկվա»:
