ԱՄՆ-ն Աֆղանստանից իր զորքերի դուրսբերման համար նախապայման է ներկայացրել
ԱՄՆ-ի օրենսդիրներն Աֆղանստանից ամերիկյան զորուժի «հապճեպ» հեռացումը կանխելու նպատկով, հայտարարել են, որ դա տեղի կունենա միայն այն ժամանակ, երբ Պենտագոնն ու այլ պատկան մարմիններ, Կոնգրեսին ներկայացնեն համապատասխան զեկույցներ և վերանայեն Աֆղանստանի իրավիճակը:
Աֆղանստանում տեղակայված ամերիկացի զորայինների թիվը 13 հազարից հասել է 4 հազար 500-ի: Որոշ ժամանակ առաջ, Պենտագոնի պատասխանատուն հայտարարել էր, որ մինչև հաջորդ տարվա հունվարն Աֆղանստանում ամերիկացի զորայինների թիվը կնվազեցվի մինչև 2 հազար 500-ի:
2021թ. ԱՄՆ-ի ռազմական բյուջեի նախագիծը Կոնգրեսին իրավունք է տալիս, զորայինների թվի նվազեցման դեպքում դադարեցնել բյուջեի տրամադրումը, եթե Պենտագոնը և անվտանգության այլ կառույցները մանրամասն զեկույց չներկայացնեն ԱՄՆ-ի անվտանգության վրա Աֆղանստանի զորայինների նվազեցման ազդեցության մասին:
