Ամերիկացի դիվանագետ. Թուրքիան Վաշինգտոնի դաշնակիցն է

Անկարայում ԱՄՆ դեսպանը, ներկայացնելով Թուրքիայի նկատմամբ իր երկրի քաղաքականությունը, նշել է. «Անկարան ԱՄՆ-ի ռազմավարական դաշնակիցն է, և Վաշինգտոնը վստահում է Թուրքիայի տնտեսության հզորությանը և կարողությանը»:

Անատոլու լրատվական գործակալության հաղորդման համաձայն, Դեյվիդ Սաթերֆիլդը կիրակի օրն ասել է. «Չնայած տարաձայնություններին, Միացյալ Նահանգները բոլոր, այդ թվում՝ տնտեսության և առևտրի ոլորտներում, կարևորում է Թուրքիայի հետ իր հարաբերությունները»:

Թուրքիայում ԱՄՆ դեսպանը հավելել է. «Թուրքիան Հյուսիսատլանտյան դաշինքի (ՆԱՏՕ) կարևոր գործընկերն է և տարածաշրջանում Միացյալ Նահանգների ռազմավարական դաշնակիցը»:

Սաթերֆիլդը հավելել է, որ Թուրքիայում ԱՄՆ ներդրումների արժեքը գերազանցել է 30 միլիարդ դոլարը, և այդ երկրում գործում է 1700 ամերիկյան ընկերություն:

ԱՄՆ-Թուրքիա հարաբերությունների վերաբերյալ ամերիկացի դիվանագետի  հայտարարությունն արվում է այն բանից հետո, երբ Միացյալ Նահանգները, տարբեր պատրվակներով, այդ թվում ռուսական S-400 հրթիռային համակարգի գնման պատճառով, պատժամիջոցներ է սահմանել Թուրքիայի մի խումբ  պաշտոնյաների և պաշտպանության ոլորտի նկատմամբ:

Արձագանքելով ԱՄՆ-ի այս քայլին, Թուրքիայի նախագահն ասել է, որ այս պատժամիջոցների արդյուքնում, Անկարան ավելի արագ քայլեր կձեռնարկի պաշտպանական արդյունաբերությունը զարգացնելու ուղղությամբ:

Հայերեն ռադիոալիքին հետևեք սոցցանցերում

https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio