Թուրքիան և Ռուսաստանը համատեղ զորավարժություններ են անցկացրել
Սիրիայի Իդլիբի անվտանգության գոտում կողմերի գործողությունները համակարգելու շրջանակներում, Թուրքիայի և Ռուսաստանի զինված ուժերը համատեղ զորավարժություններ են իրականացրել՝ հատուկ ռազմական գործողությունների տարբեր սցենարների համակարգման նպատակով:
«Ինտերֆաքս» լրատվական գործակալության փոխանցմամբ՝ Թուրքիայի ռազմական հրամանատարությունը հայտարարել է, որ զորավարժության նպատակը Թուրքիայի և Ռուսաստանի ռազմական ուժերի միջև համակարգման հաստատումն է:
Զորավարժությունները Սիրիայի տարածքում ռուս-թուրքական ռազմական համագործակցության առաջին փորձը չէ, սակայն վերջին վեց ամիսների ընթացքում, Իդլիբ նահանգում որևէ գործողություն չի իրականացվել:
Վերջին ամիսներին Սիրիայի հյուսիում քուրդ զինյալներին հետ մղելու պատրվակով, առանց Սիրիայի կառավարության թույլտվության, Թուրքիան սկսել է «Խաղաղության աղբյուր» անունով ռազմական գործողությունը:
Սիրիայի հյուսիսում Թուրքիայի ռազմական ներկայությունը դատապարտվել է այդ երկրի ժողովրդի և կառավարության, ինչպես նաև միջազգային հանրության կողմից:
