Ռուսաստանի 10 մարզերում ձերբակալվել են ահաբեկչական խմբավորման անդամներ
Ռուսաստանի Անվտանգության դաշնային ծառայությունը (FSB) հայտարարել է երկրի 10 մարզերում ահաբեկչական խմբավորման մի շարք անդամների ձերբակալելու մասին:
ԻՌՆԱ-ի հաղորդման համաձայն, հինգշաբթի օրը Ռուսաստանի Անվտանգության դաշնային ծառայությունը (FSB) հայտարարել է, որ Ազգային գվարդիայի և ՆԳՆ-ի հետ համագործակցությամբ մի քանի քաղաքներում և 10 մարզերում ձերբակալել է «Հեզբ ալ-թահրիր» ահաբեկչական խմբավորման անդամներին:
Ռուսաստանի Անվտանգության դաշնային ծառայության հաղորդմամբ, այդ անձանցից առգրավել են ահաբեկչական հրատարակություններ ու գրքեր, հեռահաղորդակցական սարքավորումներ և անձնական փաստաթղթեր:
Ռուսաստանի Անվտանգության դաշնային ծառայությունը նույնպես չորեքշաբթի օրը հայտարարել էր, որ Ռուսաստանի Հյուսիսային Կովկասի մի շարք շրջաններում ձերբակալել է «Ալ-Թաքֆիր Ալ-Հիջրա» կոչվող ահաբեկչական խմբավորման 19 անդամների:
«Հեզբ ալ-Թահրիր» ահաբեկչական խմբավորման գործունեությունը չի սահմանափակվում միայն Կենտրոնական Ասիայով և Կովկասով, այլ տարածվում է նաև Հարավային Ասիայում և Հարավարևելյան Ասիայում:
Ռուսաստանի անվտանգության պաշտոնյաները կարծում են, որ այս խմբի անդամներն արտասահմանյան գործակալների թելադրանքով անօրինական և ահաբեկչական գործողություններ են իրականացնում Ռուսաստանում:
