Ֆրանսիայի դեսպան. Բոլոր գերիները պետք է ազատ արձակվեն

Բոլոր գերիները պետք է ազատ արձակվեն: Այս մասին այսօր՝ մարտի 17-ին, մամուլի ասուլիսի ժամանակ ասաց Հայաստանում Ֆրանսիայի դեսպան Ջոնաթան Լաքոթը՝ պատասխանելով Ադրբեջանում պահվող հայ ռազմագերիների եւ ձերբակալվածների մասին հարցին:

«Իմ մոտեցումը պարզ է. բոլոր գերիները պետք է ազատ արձակվեն: Դա վերաբերում է ոչ միայն մինչեւ 2020 թվականի նոյեմբերի 9-ի հայտարարությունը գերի ընկածներին, այլ նաեւ բոլոր գերիներին՝ համապատասխան միջազգային մարդասիրական իրավունքին եւ Ժնեւի կոնվենցիաներին»,-ասաց դեսպանը:

Դիվանագետը նաեւ հիշեցրեց, որ ԵԱՀԿ ՄԽ-ն միակ միջազգայնորեն ճանաչված ձեւաչափն է, որի շրջանակում իրականացվում է Լեռնային Ղարաբաղի հակամարտության կարգավորման ուղիների որոնումը դիվանագիտական ճանապարհով:

armeniasputnik.am

Հայերեն ռադիոալիքին հետևեք սոցցանցերում

https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio