Վրաստանի, Թուրքիայի և Ադրբեջանի էկոնոմիկայի նախարարները փետրվարին կհանդիպեն

Թուրքական Ihlas լրատվական գործակալության փոխանցմամբ՝ փետրվարի 19-ին Թուրքիայի Քայսերի (Կեսարիա) նահանգում տեղի կունենա Վրաստանի, Թուրքիայի ու Ադրբեջանի էկոնոմիկայի նախարարների հանդիպումը։

Այդ մասին հայտնել է Թուրքիայի էկոնոմիկայի նախարար Մուսթաֆա Էլիթաշը։

Նրա խոսքով՝ բացի այդ, միջոցառմանը ծրագրված է երեք երկրների մոտ 500 գործարարների մասնակցություն։

Հիշեցնենք. ավելի վաղ հաղորդվել էր, որ փետրվարի 19-ին տեղի է ունենալու Վրաստանի, Թուրքիայի ու Ադրբեջանի արտգործնախարարների հանդիպումը, որը երկու անգամ հետաձգվել է՝ չկայանալով նախորդ տարվա դեկտեմբերին և այս տարվա հունվարի վերջերին։