Թուրքիան արձագանքել է ԱՄՆ-ի կողմից Հայոց ցեղասպանության ճանաչմանը
Թուրքիան անհիմն է որակել ԱՄՆ նախագահ Ջո Բայդենի կողմից Հայոց ցեղասպանության ճանաչումը:
ԻՌՆԱ-ի հաղորդման համաձայն, Թուրքիայի նախագահ Ռեջեփ Թայիփ Էրդողանը խստորեն դատապարտել է երրորդ երկրի [տվյալ դեպքում՝ ԱՄՆ] կողմից Հայոց ցեղասպանության հարցի քաղաքականացումը:
«Մենք երբեք թույլ չենք տա վտանգել թուրքերի և հայերի միջև համակեցության մշակույթը», - հայտարարել է նա:
Թուրքիայի արտգործնախարար Մեվլութ Չավուշօղլուն այս կապակցությամբ հայտարարել է. ««Մենք ամբողջությամբ մերժում ենք այդ հայտարարությունը՞ Թուրքիան ոչինչ չունի իր սեփական անցյալի մասին որևէ մեկից սովորելու»:
Ապրիլի 24-ին, ԱՄՆ նախագահը ճանաչեց Օսմանյան կայսրության օրոք իրականացված Հայոց ցեղասպանությունը:
Թուրքիան պնդում է, որ քսաներորդ դարի սկզբին իրականացված հայերի ջարդերը ցեղասպանություն չեն եղել, այլ Օսմանյան կառավարության թշնամիների դրդմամբ, կայսրության դեմ հայերի ընդվզման արդյունք:
