Ադրբեջանն արձագանքել է բոլոր գերիներին ազատ արձակելու առաջարկին

Արձագանքելով վեց հայ զինծառայողներին ազատ արձակելու Մինսկի խմբի առաջարկին՝ Ադրբեջանը ձերբակալված հայ զինծառայողներին անվանել է դիվերսանտներ, որոնք ականներ էին տեղադրում երկու երկրների սահմաններին:

«Արան Նյուզ» լրատվական գործակալության փոխանցմամբ՝ ավելի վաղ Մինսկի խումբը Ադրբեջանին և Հայաստանին կոչ է արել   «բոլորը բոլորի դիմաց» ձևաչափով  ազատ արձակել երկու երկրի գերիներին:

Ադրբեջանի Արտաքին գործերի նախարարությունը տարածել է  հայտարարություն, որում նշել է, որ Հայաստանն ամեն օր վտանգում է քաղաքացիների անվտանգությունը և հրաժարվում է ճշգրիտ տեղեկություններ հայտնել ականապատված տարածքների մասին: