Մամուլի տեսությունը 27-04-2016
Իրանի պետրոքիմիական արդյուանբերությունը չնայած սաուդացիների հարուցած խոչընդոտներին դարձյալ մեծ գրավչություն է ներկայացնում արտասահմանցի ներդրողների համար:Սաուդյան պետրոքիմիան երբեք չի կարող մրցել իրանական պետրոքիմիայի հետ:
«Արման»
Իրանի պետրոքիմիական առավելությունները Սաուդյան Արաբիայի նկատմամբ
Իրանի պետրոքիմիական արդյունաբերությունն ունի բազմազան առավելություններ ու պոտենցիալներ,որոնց հետ Սաուդյան Արաբիան երբեք չի կարող մրցակցել:
Թեհրանում լույս տեսնող Արման թերթը պետրոքիմիական «Սաբիկ» ընկերության բաժնեմասի վաճառքի մասին այսօր տպագրած վերլուծականում նշել է.«Սաուդացիների կարծիքով , Սաբիկ ընկերության 70 տոկոսի տերը լինելով կարող են աշխարհի խոշոր դրամատերերին ներգրավել Սաուդյան Արաբիայի արդյունաբերության ոլորտ և նրանց հրաժարեցնել Իրանի պետրոքիմիական արդյունաբերությունից»:
«Իրանի պետրոքիմիական արդյուանբերությունը չնայած սաուդացիների հարուցած խոչընդոտներին դարձյալ մեծ գրավչություն է ներկայացնում արտասահմանցի ներդրողների համար:Սաուդյան պետրոքիմիան երբեք չի կարող մրցել իրանական պետրոքիմիայի հետ», նշել է «Արման» թերթը:
«Հարկերից զերծ մնալը, երիտասարդ ու մասնագետ աշխատուժ ունենալը, աշխարհագրական դիրքը , ծովային ճանապարհով արտադրանքների տարանցումը և հեռավոր Ասիայի շուկաներին հասանելիություն ունենալն՝ Իրանի պետրոքիմիական արդյունաբերության առավելություններից են»,- եզրափակում է Արման թերթը:
---
«Ջոմհուրի Էսլամի»
Դիմադրության դերակատարության շնորհիվ չեզոքացվել են ահաբեկչության հովանավորների սադրանքները
Դիմադրության ճակատի դերակատարությունը չեզոքացրել է Սիրիայում Սաուդյան Արաբիայի , Թուրքիայի , Սիոնիստական ռեժիմի և ԱՄՆ-ի սադրանքները:
Թեհրանում լույս տեսնող «Ջոմհուրի Էսլամի» թերթի խմբագրական հոդվածում ասված է.«Այն ինչ Սիրիայի վերաբերյալ փակուղու առջև է կանգնեցրել Սաուդյան Արաբիայի, Թուրքիայի , Իսրայելի ու ԱՄՆ-ի սադրանքները, դա Դիմադրության առանցքային դերն է:
Վերջերս ԻԼԻՊ-ը և մյուս ահաբեկչական խմբավորումները զանգվածային կոտորածի են ենթարկել իրենց հրամանատարության տակ գտնվող ահաբեկիչներին, որոնք փախել են մարտի դաշտից: Այս երևույթը խոսում է այն փակուղու մասին, որտեղ հայտնվել են ահաբեկիչներն ու նրանց հովանավորները»,գրում թերթը:
Անդրադառնալով 250 ռազմական խորհրդականներ Սիրիա գործուղելու ԱՄՆ-ի նախագծին, «Ջոմհուրի էսլամի»-ն հստակեցրել է.«Սաուդյան Արաբիան , Թուրքիան և Սիոնիստական ռեժիմը փորձում են Վաշինգտոնի պաշտոնյաներին ներքաշել դեպի ռազմական քայլերի մեջ և նրանց համոզել ցամաքային ուժեր ուղարկել Սիրիա, որպեսզի այդպիսով կարողանան կանխել այդ երկրում ահաբեկիչների իրարահաջորդ պարտությունները:
2011 թ.-ից ի վեր մեկնարկել է ԱՄՆ-ի և նրա դաշնակիցների կողմից հովանավորվող ահաբեկչական խմբավորումների լայնամասշտաբ հարձակումների հետևանքով Սիրիայի ճգնաժամը: ԱՄՆ-ն և նրա դաշնակիցներն ամեն ինչ անում են տապալելու Բաշշար Ասադի օրինական կառավարությունը:
---
Armradio.am
Ուորլիք. Միջնորդներն այսօր աշխատում են շփման գծում բախումների ռիսկերը կրճատելու միջոցառումների վրա
ԱՄՆ նախագահ Բարակ Օբամայի կողմից Ալիև-Սարգսյան հանդիպում անցկացնելու ծրագիր չի եղել, հայտարարել է Ջեյմս Ուորլիքը: ԵԱՀԿ Մինսկի խմբի բոլոր միջնորդները՝ Միացյալ Նահանգները, Ռուսաստանը և Ֆրանսիան, այսօր աշխատում են մեկ նպատակի շուրջ՝ պահպանել հրադադարը շփման գծում և հակամարտող կողմերի միջև անհապաղ վերսկսել բանակցային գործընթացը՝ եռանախագահների հովանու ներքո, «Առաջին լրատվական»-ի հետ զրույցում ասել է ԵԱՀԿ Մինսկի խմբի ամերիկացի համանախագահը:
Նրա խոսքով` միջնորդներն այսօր աշխատում են ընդլայնել այն միջոցները, որոնք թույլ կտան կրճատել բախումների ռիսկերը շփման գծում՝ մասնավորապես աշխատելով ԵԱՀԿ մոնիտորինգային առաքելության ընդլայնման ուղղությամբ:
Պատասխանելով հարցին՝ կա՞ արդյոք որևէ առաջընթաց դիվանագիտական գործընթացում՝ քառօրյա պատերազմից հետո, ի՞նչ արդյունքների են հասել կողմերը և հնարավոր կլինի՞ արդյոք կայունացնել վիճակը և խուսափել ապագայում ռազմական լայնածավալ գործողությունների վերսկսումից, դեսպան Ուորլիքն ասել է. «Ապրիլի 5-ից հրադադարը մեծապես պահպանվում է, սակայն մեզ շարունակում է մտահոգել, որ տիրում է մեծ լարվածություն, և տեղի են ունենում հրադադարի խախտումներ: Շփման գծում ու հայ-ադրբեջանական սահմանին տիրող անկայունությունը հստակ մատնանշում է, թե ինչու է անհրաժեշտ, որ կողմերն անհապաղ ձեռնամուխ լինեն համակողմանի կարգավորման շուրջ բանակցությունների: Մենք միանշանակ փաստում ենք, որ լայնածավալ ռազմական գործողություններ վերստին չեն կարող լինել, և այս հակամարտությունը չունի ռազմական լուծում: Մենք նաև աշխատում ենք կողմերի հետ բռնությունների ռիսկը կրճատող միջոցների, օրինակ՝ ԵԱՀԿ մոնիտորինգային առաքելության ընդլայնման շուրջ»։
