Էրդողանը ելույթ է ունեցել Ադրբեջանի խորհրդարանում
Թուրքիայի նախագահը հայտարարել է, որ Լեռնային Ղարաբաղի տարածաշրջանում խաղաղության հաստատումը բխում է տարածաշրջանի բոլոր երկրների շահերից:
Ըստ Անատոլու լրատվական գործակալության, Ռեջեփ Թայիփ Էրդողանն Ադրբեջանի խորհրդարանում ունեցած ելությում ասել է.«Կովկասյան տարածաշրջանում տևական խաղաղության ճանապարհի հիմքում տարածաշրջանի ազգերի և կառավարությունների համագործակցությունն է, որն իր հերթին հիմնված է փոխվստահության վրա»:
Ընդգծելով, որ Անկարան շարունակելու է աջակցել Բաքվին, Թուրքիայի նախագահը հավելել է, որ իր երկրի կառավարությունն իր բոլոր ռեսուրսներով կկանգնի Ադրբեջանի կողքին:
Ավելի վաղ Հայաստանի արտգործնախարարությունը հայտարարություն էր տարածել, որով դատապարտում էր Թուրքիայի և Ադրբեջանի նախագահների ներկայությունը Լեռնային Ղարաբաղի տարածաշրջանում, դա որակելով որպես սադրիչ քայլ՝ ուղղված տարածաշրջանում խաղաղության և անվտանգության խաթարմանը:
Համաձայն Հայաստանի և Ադրբեջանի միջև 2020 թ. Նոյեմբերի 9-ին կնքված խաղաղության պայմանագրի ՝ Լեռնային Ղարաբաղի տարածաշրջանի մի շարք տարածքների վերահսկողությունը փոխանցվել է Ադրբեջանի Հանրապետությանը:
