ԵՄ-ի երկրները խորհում են ՌԴ հանդեպ պատժամիջոցների չեղարկման մասին

ԵՄ անդամ մի քանի երկրներ մտադիր են հունիսին կայանալիք դաշինքի գագաթաժողովում բարձրացնել ՌԴ հանդեպ սահմանված պատժամիջոցների չեղարկման հարցը: Այս մասին հաղորդում է «Ռիա նովոստի» լրատվական գործակալությունը` հղում անելով Հունաստանում իր դիվանագիտական աղբյուրին:

Ըստ գործակալության զրուցակցի, Իտալիան արդեն իսկ հայտարարել է, որ դեմ է պատժամիջոցների ինքնաբերաբար երկարացմանը: Դրանց չեղարկան օգտին են արտահայտվում նաև Ֆրանսիան, Գերմանիան և Ավստրիան:

Սակայն, ըստ աղբյուրի, շատ բան կախված է նաև ԱՄՆ-ից, որտեղ այս տարի կկայանան նախագահական ընտրությունները:

Ինչ վերաբերում է Հունաստանի դիրքորոշմանը, ապա ըստ գործակալության զրուցակցի, Աթենքը վետո չի կիրառի այն պարագայում եթե դաշինքը որոշի երկարացնել պատժամիջոցները:

Հունաստանը, ըստ նրա, կփորձի գագաթաժողովում ստեղծել այնպիսի մթնոլորտ, որ գործընթացը գնա դեպի պատժամիջոցնեորի չեղարկման:

Նշենք, որ ՌԴ նկատմամբ Արևմուտքի պատժամիջոցները սահմանվել են 2014 թ մարտին:

Panorama.am

28/4/2016