Perseverance մարսագնացին չի հաջողվել Կարմիր մոլորակից գրունտային նմուշներ հավաքել
Օգոստոս 11, 2021 16:50 Asia/Tehran
Perseverance մարսագնացին չի հաջողվել առաջին փորձից Կարմիր մոլորակից գրունտային նմուշներ հավաքել: «Արմենպրես»-ի փոխանցմամբ, այս մասին հայտնել է NASA-ն:
«Տվյալները, որոնք Երկիր է ուղարկել Perseverance մարսագնացը նմուշների հավաքման առաջին փորձից հետո, ցույց են տվել, որ գործողության ընթացքում նյութեր չեն հավաքվել»,- ասվում է NASA-ի հաղորդագրության մեջ:
NASA-ում կարծում են, որ անհաջողության պատճառը հորատման աշխատանքների ժամանակ գրունտի տեղաշարժն է եղել, այլ ոչ թե տեխնիկական անսարքությունը:
Առաջիկա օրերին մասնագետները փորձելու են ուսումնասիրել եղած տվյալները և լրացուցիչ դիագնոստիկա անցկացնել:
Perseverance-ը Մարսի վրա վայրէջք էր կատարել շուրջ 7 ամսվա թռիչքից հետո՝ 2021 թվականի փետրվարի 18-ին:
armenpress.am/arm
Պիտակ
