Մամուլի տեսություն 02-05-2016
Կոռուպցիան ՝ պատճառաբանություն Բրազիլիայի նախագահի հարցապնդման համար
«Ջոմհուրի էսլամի»
Կոռուպցիան ՝ պատճառաբանություն Բրազիլիայի նախագահի հարցապնդման համար
Բրազիլիայի քաղաքական հոսանքները կոռուպցիան պատրվակ են ծառայեցնում Բրազիլիայի նախագահին պաշտոնանկ անելու համար :
«Ջոմհուրի էսլամի» օրաթերթում լույս տեսած վերլուծականում կարդում ենք .-«Բրազիլիայի քաղաքական ու տնտեսական էլիտան ձևացնում է , թե կոռուպցիան է նախագահ ՝ Դիլմա Ռուսոֆի հարցապնդման պատճառը , մինչդեռ նրանք փորձում են իրականացնել ԱՄՆ-ի հետապնդած նպատակները» :
ԱՄՆ-ի կողմից սատարվող Բրազիլիայի կառավարության ընդդիմադիրները փորձում են աշխարհի 7-րդ տնտեսությունը համարվող երկիրը հանձնել Goldman Sachs ընկերությանը և բանկիրների լոբբիին ՝ Բրազիլիայի հարստությունը կողոպտելու նպատակով : Նման սադրանքներ ԱՄՆ-ի կողմից կրկնվել են աշխարհի տարբեր կետերում : Ծրագրեր , որոնց միջոցով Վաշինգտնոը հետապնդում է ժողովրդական իշխանությունների կործանումը և դրածո կառավարությունների իշխանության բերելը :
Վերջին ամիսներին Բրազիլիայի նախագահի դեմ կոռուցիայի և պետական միջոցները չարաշահելու մեղադրանք է ներկայացվել : Բրազիլիայի խորհրդարանը ապրիլի 17-ին ձայների մեծամասնությամբ քվեարկել է նախագահի հարցապնդման օգտին :
«Քեյհան»
Եվրոպան դիմագրավում է տարբեր մարտահրավերներ
Եվրոպական երկրների տարբեր ճգնաժամերը մտահոգիչ են գնահատվել :
«Քեյհան» օրաթերթի վերլուծական հոդվածում կարդում ենք .-«Գաղթականությունը , անհավասարությունները , միջին խավի կենսամակարդակի իջեցումը , գործազրկությունը , տնտեսական ճգնաժամը և կանաչ մայրցամաքի կառույցների նկատմամբ անվստահությունը համարվում են եվրոպական երկրների առջև ծառացած մարտահրավերները» :
Այս ճգնաժամերի հետևանքով , եվրոպական երկրների ղեկավարները փաստորեն մոռացել են ժողովրդավարության մասին խոսքերը ՝ խորհելով իրենց սահմանները փակելու և արգելապատնեշ կառուցելու մասին :
Նշելով , որ եվրոպական որոշ երկրների ղեկավարներ զգուշացրել են Եվրամիության փլուզման կապակցությամբ, հոդվածագիրը կանխատեսել է , որ հաշվի առնելով ճգնաժամերը հաղթահարելու եվրոպական երկրների անկարողությունը , չի բացառվում մայրցամաքը նախկին կարգերին վերադառնալու հավանակությունը :
Եվրոպայի վիճակագրական վարչության տեղեկացմամբ , եվրոպական երկրներում 21.5 միլիոն երիտասարդ գործազուրկ է : Գործազրկության խնդիրն առավել լուրջ է Հունաստանում , Իսպանիայում , Խորվատիայում , Իտալիայում և Պորտուգալիայում:
«Ռեսալաթ»
ԱՄՆ-ում հանրապետականները հարկադրված են ներկայացնել Թրամփի թեկնածությունը
Հաշվի առնելով Դոնալդ Թրամփի տարած հաղթանակը , ԱՄՆ հանրապետականները հարկադրաբար պետք է ներկայացնեն նրա թեկնածությունը :
«Ռեսալաթ» օրաթերթի վերլուծաբանի կարծիքով , վերջին ամիսներին տարբեր տեղեկություններ էին հաղորդվել 2016 թ.-ի նախագահական ընտրությունների եզրափակիչ փուլում Թրամփի թեկնածությանն ընդդիմանալու մասին , սակայն Թրամփի տարած հաղթանակի , իսկ նրա մրցակից ՝ Թեդ Քրուզի պարտության պատճառով , Հանրապետական կուսակցությունը պարտավոր է նրան ներկայացնել որպես կուսակցության թեկնածու :
Թրամփի թեկնածության խանգարմանն ուղղված Հանրապետական կուսակցության որոշ անդամների լոբբիստական քայլերը ևս ձախողվել են :
Անդրադառնալով նախագահական ընտրություններում Թրամփի թեկնածության մասին Հանրապետական կուսակցության որոշ անդամների դիրքորոշման փոփոխմանը , հոդվածագիրը գրել է , որ Ֆլորիդայի , Փենսիլվանիայի սենատորները և Թրամփի մրցակիցը համարվող մյուս սենատորները հայտարարել են , որ եզրափակիչ փուլում Թրամփի թեկնածությունը ներկայացվելու դեպքում , աջակցելու են նրան :
«Շարղ»
ԱՄՆ-ի դերը Սիրիայում իրավիճակը թեժացնելու գործում
«Շարղ» օրաթերթի վերլուծաբանի գրությամբ , Ահաբեկիչների դեմ Սիրիայի բանակի և ժողովրդական ուժերի տարած հաղթանակից հետո , ռազմական ուժեր Սիրիա գործուղելով ԱՄՆ-ը մտադիր է կասեցնել սիրիայի բանակայինների հաղթանակները:
Ազգային , տարածաշրջանային ու միջազգային ուժերի միջև պառակտումների պատճառով , Սիրիայի կառավարության ընդդիմադիրների շարքերում բացակայում է քաղաքական դաշտի միատարրությունը : Այդ իսկ պատճառով , նրանք ամերիկացի ուժերի այդ երկիր վերադարձը համարում են պատերազմական փուլ վերադառնալու Վաշինգտոնի կանաչ ազդանշանը :
Դրա փոխարեն , Դամասկոսի կառավարության աջակիցները միատարր ու միասնական են և կարող են հստակ մարտավարությամբ դիմակայել թշնամուն :
