Թուրքիան զինում է Իրաքին
Իրաքի պաշտպանության նախարարը հայտարարել է, որ Բաղդադը մտադիր է զենք գնել Թուրքիայից, այդ թվում ՝ մարտական ուղղաթիռներ և «Բայրաքթար» անօդաչու թռչող սարքեր:
«Ենի Շաֆաղ» թերթի փոխանցմամբ՝ Իրաքի պաշտպանության նախարար Էնադ Սաադունը կիրակի օրն ասել է, որ Բաղդադը գնելու է թուրքական արտադրության անօդաչու թռչող սարքեր, մարտական ուղղաթիռներ և էլեկտրոնային պատերազմի շարժական համակարգեր:
Իրաքի պաշտպանության նախարարն ընդգծել է, որ այդ երկիրը մտադիր է Թուրքիայից գնել «Բայրաքթար» անօդաչու թռչող սարքեր, 12 «T-129» ուղղաթիռ և վեց էլեկտրոնային պատերազմի «Կորալ» շարժական համակարգեր:
Սաադունը անցած շաբաթ մասնակցել է Ստամբուլում կայացած պաշտպանական արդյունաբերության միջազգային ցուցահանդեսին և հանդիպում է ունեցել Թուրքիայի պաշտպանության նախարարության բարձրաստիճան պաշտոնյաների հետ:
Իրաքն այն դեպքում է պատրաստվում զենք գնել Թուրքիայից, երբ անցած տարի իր F-16 ինքնաթիռների մեծ մասը թույլ տեխնիկական սպասարկման պատճառով շարքից դուրս եկավ, որի պատճառը Lockheed Martin- ի անձնակազմի՝ սպասարկելուց հրաժարվելն է եղել:
