Էրդողան. Զանգեզուրի միջանցքի բացումը քաղաքական հարց է
Ինչպես տեղեկացնում է Аrmenia.Az-ը, այս մասին հայտարարել է Թուրքիայի նախագահ Ռեջեփ Թայիբ Էրդողանը՝ մեկնաբանելով Հայաստանի վարչապետ Նիկոլ Փաշինյանի՝ «դեմ եմ միջանցքի բացմանը» հայտարարությունը:
«Թերևս մտածելու տեղիք է տալիս, երբ մի կողմից նա նման բան է ասում, իսկ մյուս կողմից՝ ուզում է հանդիպել ինձ հետ։ Եթե նա ցանկանում է հանդիպել Էրդողանի հետ, ապա այժմ պետք է որոշակի քայլեր ձեռնարկի։ Մենք փակ չենք դիվանագիտության համար: Իսկապես, նա Վրաստանի վարչապետի միջոցով ինձ փոխանցել է հանդիպելու ցանկությունը»,- ասել է Թուրքիայի նախագահը:
«Բայց դրա համար Հայաստանը պետք է դրական քայլեր ձեռնարկի: Եթե այդ հանդիպումը կայանա, Թուրքիան կարող է դիվանագիտական կապեր հաստատել», - հավելել է նա:
Թուրքիայի առաջնորդը հույս է հայտնել, որ Զանգեզուրի միջանցքի բացմամբ Ադրբեջանի և Հայաստանի միջև խնդիրները կհաղթահարվեն։
ARMENIA.AZ
