Էրդողանը հայտարարել է, որ Մակրոնի հետ քննարկել է «3+3» հարթակը
Նոյեմբեր 01, 2021 17:41 Asia/Tehran
Թուրքիայի նախագահ Ռեջեփ Թայիփ Էրդողանը հայտարարել է, որ իր ֆրանսիացի գործընկեր Էմանուել Մակրոնի հետ քննարկել է Հարավային Կովկասում «3+3» հարթակի գաղափարը, գրում է «ՌԻԱ Նովոստին»։
«… Մակրոնը բարձրացրեց իրավիճակը Հարավային Կովկասում։ Մենք ասացինք, որ եղել ենք այնտեղ (Ադրբեջանում - խմբ.) անցած շաբաթ, եւ ներկայումս դրական քայլեր են նախաձեռնվում Հարավային Կովկասում, եւ մեր եղբայր Իլհամ Ալիեւը վճռականորեն ցանկանում է շարունակել այդ դրական քայլերը... Այս հանդիպմանը (Մակրոնի հետ) առաջին պլան մղվեց տարածաշրջանում վեցակողմ հարթակ ստեղծելու հարցը։ Ռուսաստանը, Ադրբեջանը, Թուրքիան, Իրանը, Վրաստանը եւ Հայաստանը, եթե բոլորը համաձայնեն, մենք այստեղ խաղաղության հարթակ կստեղծենք»,- լրագրողներին ասել է Էրդողանը։
news.am
Պիտակ
