Չինաստանը դատապարտել է Պեկինի միջուկային ծրագրի վերաբերյալ ԱՄՆ-ի հայտարարությունները
Պեկինը հերքել է Պենտագոնի այն պնդումը, թե Չինաստանն ընդլայնել է իր միջուկային զինանոցը։
«Սպուտնիկ» լրատվական գործակալության ոխանցմամբ՝ Չինաստանի պաշտպանության նախարարության խոսնակ Վու Քիանն ասել է.«Պեկինը միայն պաշտպանական քաղաքականություն է վարում, որը երաշխավորում է Չինաստանի տարածքային ամբողջականության պահպանումը»։
«Մեր նպատակը տարածաշրջանը ապակայունացնելը կամ որևէ երկրի սպառնալը չէ, մինչդեռ ԱՄՆ-ն սպառնում է համաշխարհային խաղաղությանը և անվտանգությանը՝ ընդլայնելով իր միջուկային զինանոցը, կիբեր գործողություններով և սպառազինության գործարքներից դուրս գալով»,- ասել է նա:
ՌԴ փոխարտգործնախարար Սերգեյ Ռյաբկովը նույնպես մտահոգություն է հայտնել ԱՄՆ-ում միջուկային զենքի կիրառման շուրջ առկա երկիմաստ իրավիճակի կապակցությամբ։ Ավելի վաղ, ԱՄՆ պաշտպանության նախարարությունը հայտարարել էր, թե Չինաստանը սպառնում է ԱՄՆ-ի անվտանգությունը՝ քանի որ ձեռք է բերել բալիստիկ հրթիռների առաջադեմ տեխնոլոգիաներ։
