Ռուսաստանում ստեղծել են արձակվող թեւերով ինտելեկտուալ անօդաչու ռազմամթերք
Ռուսական դաշնային միջուկային կենտրոնը՝ Ե.Ի.Զաբաբախինի անվան տեխնիկական ֆիզիկայի համառուսական գիտահետազոտական ինստիտուտը, պատենտավորել է բարձր մանեւվրայնությամբ թռչող սարք: Այդ մասին ասվում է հայտնագործության պատենտի, որը տարածել է Արդյունաբերական սեփականության դաշնային ինստիտուտը, հաղորդում է ՏԱՍՍ-ը:
«Հայտնագործությունը դասվում է ավիաշինության ոլորտին, մասնավորապես, ինտելեկտուալ օդային ռազմամթերքի կառուցմանը»,-ասվում է փաստաթղթի մեջ:
Պատենտում նշվում է, որ տեխնիկական արդյունքը կայանում է հորիզոնական հարթությունում բարձր մանեւվրայնության եւ մակերեսը կորացնելով թռիչքն ապահովելու հնարավորության մեջ: Սարքի կորպուսը կատարված ինտեգրալ օդադինամիկ սխեմայով, իսկ վերջնամասում տեղադրված է շարժիչ, դիմային հատվածում՝ կառավարվող դիմային ուղղահայաց փետրավորում, իսկ կորպուսի մակերեսին տեղադրված են ուղղահայաց կիլեր, հետին մակերեսին՝ էլեվոններ:
«Թռչող սարքը համալրված է հավելյալ թեւերով չափազանց փոքր արագությամբ թռիչքն ապահովելու նպատակով: Իսկ չափազանաց մեծ արագությամբ թռիչքի համար հավելյալ հրթիռներն ունեն թռիչքի ժամանակ արձակվելու եւ ընկնելու հնարավորություն»,-ասվում է պատենտում:
Սարքի արձակումը կատարվում է կատապուլտի միջոցով: Ի սկզբանե հավելյալ հրթիռները տեղադրված են անօդաչուի կորպուսի ներսում, իսկ առաջադրանքը կատարելու ընթացքում դրանք առաջ են քաշվում ու ֆիքսվում են: Թռչող սարքը կարող է իրականացնել նպատակի որոնումը վիդեոմոդուլների օգնությամբ:
news.am
