Եվրոեռյակ. Մենք բարյացակամորեն կվերադառնանք Վիեննայի բանակցություններին
ՀԳՀԾ-ի անդամ երեք երկրները ՄԱԳԱՏԷ-ի կառավարիչների խորհրդի նիստում հանդես են եկել համատեղ հայտարարությամբ՝ նշելով, որ բարյացակամորեն կվերադառնան Իրանի միջուկային գործարքի իրագործման շուրջ Վիեննայում կայանալիք բանակցություններին:
Ինչպես հաղորդում է ԻՌՆԱ լրատվական գործակալությունը, հայտարարության մեջ, որը հրապարակվել է Բրիտանիայի ԱԳ նախարարության կայքում, ասված է. «Մենք բարյացակամորեն կվերադառնանք Վիեննա, որպեսզի վերսկսենք աշխատանքն այնտեղից, որտեղ բանակցությունները դադարեցվեցին հունիսին»:
Բրիտանիան, Գերմանիան և Ֆրանսիան, առանց անդրադառնալու ՀԳՀԾ-ից ԱՄՆ-ի դուրս գալուն և խափանարարություններին, հայտարարել են. «Մենք համոզված ենք, որ հնարավոր է համաձայնության գալ այն քայլերի շուրջ, որոնց արդյունքում Իրանը կվերադառնա ՀԳՀԾ-ով ստանձնած պարտավորությունների ամբողջական կատարմանը և ԱՄՆ-ն կվերադառնա միջուկային համաձայնագրին»:
Իրանի Իսլամական Հանրապետությունը բազմիցս հայտարարել է, որ կվերադառնա ՀԳՀԾ-ով ստանձնած պարտավորությունների լիարժեք կատարմանը, եթե ԱՄՆ-ի բոլոր պատժամիջոցները չեղարկվեն և համապատասխան ստուգումներ անցկացվեն այդ կապակցությամբ:
