Էրդողանը մտադիր է բանակցություններ անցկացնել Պուտինի հետ․Չավուշօղլու
Թուրքիայի նախագահ Ռեջեփ Թայիփ Էրդողանը մտադիր է դեկտեմբերի 3-ին հեռախոսով բանակցություններ վարել Ռուսաստանի նախագահ Վլադիմիր Պուտինի հետ։
ՌԻԱ Նովոստիի փոխանցմամբ՝ տեղեկությունը հայտնել է Թուրքիայի արտգործնախարար Մևլութ Չավուշօղլուն ՆԱՏՕ-ի երկրների արտգործնախարարների հանդիպման ժամանակ։
Նշվում է, որ ՆԱՏՕ-ի երկրների արտգործնախարարների գագաթաժողովն անցկացում է Ռիգայում նոյեմբերի 30-ից դեկտեմբերի 1-ը:
«Թուրքիան կողմ է Ուկրաինայում իրավիճակի դեէսկալացիային։ Մենք կապի մեջ ենք երկու կողմերի (Ռուսաստանի և Ուկրաինայի – խմբ.) հետ։ Ուրբաթ օրը մեր նախագահը պատրաստվում է բանակցություններ վարել նախագահ Պուտինի հետ», - լրագրողների հետ զրույցում ասել է Թուրքիայի արտգործնախարարը։
Չավուշօղլուն նաև ավելացրել է, որ ավելի վաղ ինքը բանակցություններ է ունեցել Ռուսաստանի և Ուկրաինայի արտգործնախարարների հետ:
armeniasputnik.am
