Մամուլի տեսություն 07-05-2016
Բրազիլիայի Սենատի հատուկ հանձնաժողովն ուրբաթ օրը քվեարկել է առանց Կոնգրեսի արտոնության , ընտրապայքարում պետական ծախսերը մեծացնելու պատճառով , երկրի նախագահ ՝ Դիլմա Ռուսոֆի հարցապնդման օգտին :
«Ղոդս»
Ռուսոֆը ՝ պաշտոնանկության շեմին
Բրազիլիայի Սենատի հատուկ հանձնաժողովն ուրբաթ օրը քվեարկել է առանց Կոնգրեսի արտոնության , ընտրապայքարում պետական ծախսերը մեծացնելու պատճառով , երկրի նախագահ ՝ Դիլմա Ռուսոֆի հարցապնդման օգտին :
«Ղոդս» կայքի հոդվածում կարդում ենք .-«Հատուկ հանձնաժողովի որոշմամբ , 15 թեր և 5 դեմ ձայներով , սատարել հարցապնդման զեկուցաբերի դիրքորոշմանը , ով չորեքշաբթի օրն իր խոսքերը հիմնավորել էր Ռուսոֆի հարցապնդման համար բավարար փաստերի առկայությամբ» :
Հանձնաժողովի որոշումից հետո , Սենատի բոլոր պատգամավորները քվեարկության են դնելու հանձնաժողովի որոշումը : Գործընթացը շարունակելու համար անհրաժեշտ է լինելու Սենատի 81 պատգամավորների նվազագույնը 41-ի թեր ձայնը :
Հիշյալ սցենարի համաձայն , Ռուսոֆը ժամանակավորապես հեռացվելու է պաշտոնից : Նրան փոխարինելու է իր տեղակալը :
180 օր տևած հետաքննության արդյունքում , Սենատում կայանալու է գերագույն ատյանի ղեկավար կողմից կառավարվող քաղաքական դատավարություն : Եթե սենատորների երկու երրորդը ՝ 54 հոգի , քվեարկի Ռուսոֆիպաշտոնանկության օգտին , դատավճիռը վերջնական է լինելու :
«Ռեսալաթ»
ԱՄՆ-ը և արևմուտքը համարվում են Աֆղանստանում անապահովության ու պատերազմի գործոնները
Աֆղանստանում ԱՄՆ-ի և արևմուտքի ռազմական քայլերի հետևանքով , իրավիճակն այդ երկրում շարունակում է լարված մնալ :
«Ռեսալաթ» օրաթերթում լույս տեսած վերլուծական հոդվածում կարդում ենք .-«Աֆղանստանում քաղաքական նոր կարգեր հաստատվելուց հետո , անվտանգության ապահովման հարցը դեռևս համարվում է այդ երկրի կենցաղային խնդիրներից մեկը» :
Աֆղանստանի դեմ ԱՄՆ-ի հարձակումից հետո այդ երկրի անվտանգության ու քաղաքական իրադարձությունների , համարվում են վերջին տսնամյակում տարածաշրջանային ու միջազգային մասշատբներով այդ երկրի գերխնդիրը :
Օրաթերթի գրությամբ , արտաքին միջամտությունների պատճառով , Աֆղանստանի իշխանությունները զրկվել են տարածաշրջանի երկրների և միջազգային հանրության նկատի առած խաղաղության գործընթացի իրականացման հնարավորությունից :
Վերլուծականում նշված է , որ առանց տարածաշրջանային ու համաշխարհային համագործակցության , անհնար է լինելու Աֆղանստանում խաղաղություն հաստատել :
galatv.am
Մերկելի համաձայնագիրը Թուրքիայի հետ կարող է վեճ հրահրել
«Ներկա պահին Գերմանիայի դաշնային կանցլեր Անգելա Մերկելը չի կարող հպարտանալ միգրացիոն ճգնաժամի լուծման գործում իր զգալի հաջողություններով: Իսկ այժմ ավելի մեծ գլխացավանք կարող է պատճառել Թուրքիայի եւ ԵՄ-ի միջեւ իր իսկ նախաձեռնած պայմանավորվածությունը»,- գրում է Die Welt գերմանական թերթի քաղաքական մեկնաբան Մանուել Բեւարդերը:
Հեղինակը նշում է, որ հրատապ է դարձել հարցը, թե արդյոք համաձայնագիրը, որը պետք է նվազեցնի Հունաստան ժամանող փախստականների թիվը, կկարողանա՞ ընդհանրապես գոյատեւել այս ամռանը:
«ԵՄ պետությունների շրջանում աճում է համաձայնագրի շուրջ դժգոհությունը: Եվրամիության եւ Թուրքիայի միջեւ համաձայնագիրը դեպի առաջ մեծ քայլ է: Եվ այստեղ չպետք է լինեն ավտոմատ որոշումներ, այդ թվում վիզաների ազատականացման հարցի վերաբերյալ,- հայտարարել է Քրիստոնեական սոցիալական միության ներքին քաղաքականության հարցերով խոսնակ Շտեֆան Մայերը: -Պարտադիր պայման է մնում Թուրքիայի կողմից բոլոր չափանիշների լիակատար իրականացումը: Եվ ոչ մի զիջում չպետք է լինի»:
«Վերջերս նախագահ Էրդողանը վերահաստատել է իր մտադրությունը հրաժարվել համաձայնագրի իրագործումից, եթե ԵՄ-ն չվերացնի վիզային ռեժիմը սահմանված ժամկետում: Եվ ապա Թուրքիան կդադարեցնի փախստականների՝ դեպի Հունաստան հոսքը զսպող իր բոլոր գործողությունները: Արդյունքում փախստականների թիվը Եվրոպայում կաճի կայծակնային արագությամբ, ինչը, իր հերթին, կարող է վտանգել Մերկելի ձեռնարկած ներգաղթի ճգնաժամը լուծելու փորձերը: Ի վերջո դա հավասարազոր կլինի ծանր քաղաքական պարտության»,- ասում է լրագրողը՝ հիշեցնելով, որ կանցլերը բազմիցս պարզաբանել է Եվրոպայի եւ Թուրքիայի համատեղ գործողությունների կարեւորությունը:
«Կանաչների կուսակցության փախստականների հարցերով խոսնակ Լուիզա Ամթսբերգը նշում է, որ Թուրքիան, առանց կասկածի, միգրացիայի խնդիրների լուծման մի մասն է, բայց միեւնույն ժամանակ այդ նույն Թուրքիան, որին Եվրոպան վստահում է միլիոնավոր փախստականների ճակատագիրը, ինքնին իր քրդական քաղաքականությամբ ձեւավորում է փախստականների նորանոր խմբեր: Մերկելի նախագիծը վտանգում է առավել շատ խնդիրներ ստանալ Արեւելյան Եվրոպայից եւ Ավստրիայից, ինչպես որ արդեն տեղի է ունեցել նախկինում»:
Աղբյուր` Die Welt
Թարգմ.` Տիգրան Գասաբյան
