ՅՈՒՆԻՍԵՖ-ը մտահոգություն է հայտնել Աֆղանստանում երեխաների շրջանում գրանցվող զոհերի կապակցությամբ

ՅՈՒՆԻՍԵՖ-ը մտահոգություն է հայտնել Աֆղանստանում պատերազմից մնացած պայթուցիկ նյութերի պայթելու հետևանքով երեխաների զոհվելու կապակցությամբ, միջազգային հանրությանը կոչ է արել շարունակել իրենց համագործակցությունը, այդ երկրում պայթուցիկ նյութերի մաքրագործման համար:

ՅՈՒՆԻՍԵՖ-ը երեքշաբթի օրը հրապարակել է հաղորդագրություն, որում ասված է.«Օրերս Նանգարհար նահանգում տեղի ունեցած  քաղաքացիական  բախումների ժամանակ  չպայթած ականանետի պայթյունի հետևանքով, ութ երեխա է զոհվել, ևս չորսը վիրավորվել են»:

ՅՈՒՆԻՍԵՖ-ի տվյալներով՝ պայթյունը տեղի է ունեցել Աֆղանստանի Նանգարհար նահանգի Լաալպուր շրջանի դպրոցի մոտ, և բոլոր զոհված երեխաները եղել են աշակերտներ։