Բրիտանացիները բողոքում են թանկացումների դեմ
Մեծ Բրիտանիայի մի շարք քաղաքներում գնաճի ու էներգակիրների գների թանկացման դեմ բողոքի ցույցերի մասնակիցները բողոքել են Բորիս Ջոնսոնի կառավարության դեմ:
Daily Mail-ի հաղորդմամբ, ցուցարարները կրել են պաստառներ, որոնց վրա գրված է եղել «Հարկեք հարուստներին»:
Ցույցերը տեղի են ունեցել «ժողովրդական միավորում» խմբի կոչով և տարբեր արհմիությունների աջակցությամբ: Նյուքասլում ցուցարարները կրել են «Պահպանողական խաբեբաներ» և «Ես կարող եմ ավելի լավ աշխատել, քան Բորիսը» գրությամբ պաստառներ:
«ժողովրդական միավորում» խմբի քարտուղար Լաուրա Փիդքոքն ասել է. «Մարդիկ լուրջ դժվարությունների են բախվում իրենց կենցաղային ծախսերը հոգալիս: Քաղաքացիները հասարակության մեջ ակնհայտ անհավասարություն են տեսնում: Մեծ թվով ընկերություններ ստանում են հսկայական շահույթ: Հարուստներն ավելի են հարստտանում, իսկ մյուս քաղաքացիները տուժում են»:
