Ջորջ Ֆլոյդի սպանության գործով մեղադրանք է առաջադրվել երեք ոստիկանի
ԱՄՆ-ում երդվյալ ատենակալների կոլեգիան որոշում է կայացրել, որ երեք ոստիկաններ մասնակցել են Մինեապոլիսում սևամորթ Ջորջ Ֆլոյդի սպանությանը, քանի որ որևէ աջակցություն չեն ցուցաբերել վերջինիս: Սա կարող է ազդել ոստիկանների պատժի խստության վրա:
Ոստիկանները մեղադրվում են Ֆլոյդին որևէ բժշկական հաստատություն չտեղափոխելու և բժշկական ծառայություն ստանալու նրա իրավունքը ոտնահարելու մեջ:
Ոստիկաններ Տաոն, Կուենգը և Լինն ազատ են արձակվել գրավի դիմաց:
Ջորջ Ֆլոյդի ընտանիքը, քննադատել է դատարանի որոշումը, հայտարարելով, որ այն անարդար է: Ֆլոյդի եղբայրը՝ Ֆիլոնիզ Ֆլոյդն ասել է. «Դատավորը կարող էր ավելի խիստ լինել մեղավորների նկատմամբ»:
46-ամյա Ֆլոյդը սպանվեց 2020 թվականի մայիսի 25-ին՝ ոստիկանի կողմից, որը ծնկով սեղմել էր երիտասարդի կոկորդը, մինչ վերջինս գոռում էր «Ես չեմ կարող շնչել»: