Վաշինգտոնը հաստատել է Քերիի մասնակցությունը Սարգսյան-Ալիև հանդիպմանը
ԱՄՆ պետքարտուղար Ջոն Քերին համաշխարհային շրջայցի ժամանակ կքննարկի նաև ղարաբաղա-ադրբեջանական սահմանին ստեղծված իրադրությունը: Այս մասին մայիսի 13-ին հաղորդել է պետքարտուղարության պաշտոնական ներկայացուցիչ Ջոն Քիրբին:
Մայիսի 16-17-ին Քերրին կլինի Վիեննայում: Այստեղ նա կմասնակցի «Լեռնային Ղարաբաղի հակամարտության հարցով Հայաստանի և Ադրբեջանի նախագահներ Սերժ Սարգսյանի և Իլհամ Ալիեւի հանդիպմանը, որն ԱՄՆ-ն կանցկացնի Ռուսաստանի և Ֆրանսիայի հետ միասին»:
Վիեննայում Քերրին նաև «Իտալիայի ԱԳ նախարար Պաոլո Ջենտիլոնիի հետ նախարարական հանդիպում կանցկացնի Լիբիայի հարցով՝ քննարկելու լիբիական ազգային համաձայնության նոր կառավարությանը միջազգային աջակցությունը»:
Բացի այդ, պետքարտուղարը կմասնակցի Սիրիային աջակցման միջազգային խմբի նիստին:
armedia.am/
14/5/2016