Ռուսաստան. Ուկրաինացի զինվորականները պատրաստ են սպանել իրենց քաղաքացիներին
Մոսկվայի պաշտոնյաները հերթական անգամ ընդգծել են, որ Ուկրաինայում ռուսական ուժերի կողմից ռազմական հանցագործություններ իրականացվելու մասին Կիևի պնդումները քարոզչական և հոգեբանական գործողություններ են:
Ռուսաստանի կառավարությունն այսօր հերքել է Արևմուտքի պնդումներն այն մասին, որ ռուսական զորքերը ռազմական հանցագործություններ են կատարել Ուկրաինայում, այդ մեղադրանքները որակելով որպես ուկրաինական հատուկ նշանակության ուժերի կողմից Մոսկվան ոչնչացնելու կեղծ քարոզչություն:
«Դրանք հերյուրանքներ են, որոնք աճել են ուկրաինական քարոզչության հոռետեսական երևակայության մեջ»,- ասել է ՌԴ Ազգային անվտանգության խորհրդի քարտուղարի տեղակալ Դմիտրի Մեդվեդևը։
Reuters լրատվական գործակալության հաղորդման համաձայն՝ ՌԴ պաշտպանության նախարարությունը հայտարարել է.« «Հաստատված տեղեկությունների համաձայն՝ ապրիլի 4-ի երեկոյան Կիևից 23 կմ հյուսիս-արևմուտք գտնվող Մոշչուն գյուղում հոգեբանական գործողությունների 72-րդ ուկրաինական գլխավոր կենտրոնի զինվորականները հերթական բեմականացված նկարահանումներն են իրականացրել իբր ռուսական զինված ուժերի բռնի գործողությունների հետևանքով սպանված խաղաղ բնակիչների մասին՝ հետագայում արևմտյան լրատվամիջոցների միջոցով տարածելու համար: Նմանատիպ միջոցառումներ ուկրաինական հատուկ ծառայություններն այժմ կազմակերպում են Սումիում, Կոնոտոպում և այլ քաղաքներում»։
Մոսկվան այս հարցն է առաջ քաշել,որ եթե իր ուժերը մարտի 30-ին նահանջել են Բուչայից, և Բուչայի քաղաքապետը մարտի 31-ին հայտարարեց,որ այդ տարածքը զերծ է ռուսական ուժերից, ինչու խաղաղ բնակիչների դիակներն առաջին անգամ ցուցադրվեցին ապրիլի 3-ին:
Մեդվեդևն իր հայտարարության մեջ հստակեցրել է.«Կեղծ դիակները մեծ գումարներով պատրաստվել են Արևմուտքի հանրային կապերի ընկերությունների և հասարակական կազմակերպությունների կողմից: Ուկրաինական ուժերը Ռուսաստանին հեղինակազրկելու համար նույնիսկ պատրաստ են եղել սպանել իրենց քաղաքացիներին»: