Մեդվեդև. Ուկրաինայի հակամարտության խաղաղ կարգավորման տարբերակը մարել է
Ռուսաստանի Ազգային անվտանգության խորհրդի փոխնախագահն ուրբաթ առավոտյան ասել է, որ ուկրաինական պատերազմի խաղաղ լուծման տարբերակը մարել է։
Կատարի «Ալ-Ջազիրա» ցանցին տված բացառիկ հարցազրույցում Դմիտրի Մեդվեդևն ասել է, որ Ուկրաինան, Միացյալ Նահանգների և Եվրամիության ազդեցության տակ, դադարեցրել է Ռուսաստանի հետ բանակցությունները՝ հավելելով, որ Ուկրաինային հեռահար հրթիռ մատակարարելու ԱՄՆ որոշումը սպառնում է Ռուսաստանի անվտանգությանը:
Ռուսաստանի Ազգային անվտանգության խորհրդի փոխնախագահը հայտարարել է, որ Ուկրաինայի՝ բանակցություններից դուրս գալը կբարդացնի իրավիճակը և կակտիվացնի հատուկ ռազմական գործողությունների գործընթացը։
Նա նշել է. «Ուկրաինայի հակադրությունը համաձայնագրին կհանգեցնի ավելի շատ հողերի կորստի և այդ երկրի ազգային անկախության կործանման»։
Մեդվեդևը նշել է, որ Ուկրաինայում ռուսական ռազմական օպերացիայից հետո անվտանգության ճարտարագիտությունն աշխարհում փոխվել է՝ հավելելով, որ ամերիկացիների կամքին հակառակ ձևավորվել է նոր, հավասարակշռված համակարգ։
Նա հավելել է.«Եթե Ուկրաինան ցանկանում է նոր հրթիռով հարվածել ռուսական տարածքին, մենք թիրախավորելու ենք Ուկրաինայում որոշումների կայացման կենտրոնները»:
