Թուրքիայի գործընկերոջ հետ Շոյգուն քննարկել է Ուկրաինային և Սիրիային առնչվող հարցեր

Ռուսաստանի և Թուրքիայի պաշտպանական գերատեսչությունների ղեկավարներ Սերգեյ Շոյգուն և Հուլուսի Աքարն այսօր կայացած հեռախոսազրույցի ընթացքում քննարկել են Ուկրաինային և Սիրիային առնչվող հարցեր։ Այս մասին հայտնում է ՌԴ ՊՆ–ն։

Նշվում է, որ հեռախոսազրույցը տեղի է ունեցել թուրքական կողմի նախաձեռնությամբ։

Ռուսաստանի և Թուրքիայի պաշտպանության նախարարները մանրամասն քննարկել են Սև ծովում նավագնացության անվտանգության հարցը` կապված Ուկրաինայի տարածքից հացահատիկը դուրս բերելու խնդրի լուծման հետ։

Լավրովը Թուրքիայում կքննարկի Կիևի հետ բանակցությունների վերսկսման հեռանկարները

Նշվել է նաև Սիրիայի հետ սերտ փոխգործակցության կարևորությունը` ուղղված տարածաշրջանում երկարատև կայունություն պահպանելուն։

Այս հարցերի շուրջ ռուս–թուրքական շփումները շարունակական կլինեն։

armeniasputnik.am