Էվերեստը նվաճած լեռնագնացները վայրէջքի ժամանակ զոհվել են

Էվերեստը նվաճած երկու լեռնագնացներ վայրէջքի ժամանակ զոհվել են բարձրության հիվանդության պատճառով:

Ըստ Lenta-ի, 35-ամյա Էրիկ Առնոլդի մոտ բավականաչափ թթվածին է եղել, բայց նա սկսել է բողոքել թուլությունից: Նա մահացել է մայիսի 20-ի երեկոյան՝ չկարողանալով հասնել ավելի անվտանգ բարձրության: Այս մասին հաղորդել է վերելքը կազմակերպած նեպալական Summit Treks տուրգործակալությունը:

Մի քանի ժամ անց մահացել է նաեւ ավստրալուհի Մարիա Ստրիդոմը, որի մոտ նույնպես բարձրության հիվանդության նախանշաններ են նկատվել:

Առայժմ հայտնի չէ, թե լեռնագնացների մարմինները երբ կիջեցնեն Էվերեստից: