Չինաստանն արձագանքել է Իրանի դեմ ԱՄՆ նոր պատժամիջոցներին

Չինաստանի ԱԳՆ խոսնակ Մաո Նինգն ամենօրյա մամուլի ասուլիսում արձագանքելով իրանական նավթի և նավթամթերքի վաճառքի դյուրացումը կանխելուն ուղղված ԱՄՆ նոր պատժամիջոցներին, ասել է. «Չինաստանը միշտ կտրականապես դեմ է եղել անօրինական և անհիմն պատժամիջոցներին»:

Նա նշել է. «Ամերիկյան կողմը պետք է հրաժարվի ամեն առիթով պատժամիջոցներ կիրառելու սխալ պրակտիկայից և ավելի շատ միջոցներ ձեռնարկի ՀԳՀԾ-ի վերականգման շուրջ բանակցությունների արդյունավորման ուղղությամբ»:

Հատկանշական է, որ ԱՄՆ-ի նոր պատժամիջոցները սահմանվել են մի իրավիճակում, երբ նախագահ Ջո Բայդենի կառավարությունը պնդում է, թե  մտադիր է բանակցությունների միջոցով անհրաժեշտ հիմքեր ապահովել ՀԳՀԾ Վաշինգտոնի վերադարձի համար։