Վլադիմիր Պուտինը Հայաստանի և Ադրբեջանի ղեկավարներին հրավիրել է այցելել Ռուսաստան

Ռուսաստանի նախագահը Հայաստանի և Ադրբեջանի ղեկավարներին հրավիրել է այցելել Մոսկվա։

Ռուսաստանի նախագահ Վլադիմիր Պուտինը ուրբաթ օրը Ղազախստանում ԱՊՀ-ի ղեկավարների հանդիպման ժամանակ առաջարկել է՝ երկու երկրների միջև առկա տարաձայնությունները հարթելու նպատակով Մոսկվայի հյուրընկալությամբ տեղի ունենա եռակողմ հանդիպում Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։

Ռուսաստանի նախագահը, միաժամանակ մերժելով Ֆրանսիայի նախագահ Էմանուել Մակրոնի մեղադրանքը Հայաստանի և Ադրբեջանի միջև սահմանային վերջին լարվածության մեջ Ռուսաստանի դերի վերաբերյալ հավելել է, որ Ֆրանսիայի նախագահի խոսքերն անհիմն են և անընդունելի։