Բելգիայի հազարավոր քաղաքացիների բողոքի ակցիա են կազմակերպել Բրյուսելում Եվրամիության շենքի դիմաց
Բելգիայում հանրահավաքի հազարավոր մասնակիցներ վանկարկել են «Արդարատենչություն» կարգախոսը և հայտարարել են, որ դեմ են Եվրախորհրդի և Եվրամիության քաղաքականությանը, գլոբալիզացիային, կոռումպացված քաղաքական գործիչներին, լրատվամիջոցներում գրաքննությանը և էներգակիրների բարձր գներին:
Կիրակի՝ հոկտեմբերի 16-ին, ակցիայի մասնակիցները բողոքում էին նաև առողջապահության կառավարման, գնաճի բարձրանալու և էներգետիկ ճգնաժամի դեմ։
Ոստիկանության հայտարարության համաձայն՝ «Արդարատենչության օրը» կոչվող այս ցույցին մասնակցել է մոտ չորս հազար մարդ։
Հարյուրավոր իտալացիներ ևս Հռոմում ցույց կազմակերպելով, իրենց դժգոհությունն են հայտնել տիրող տնտեսական իրավիճակի, Ռուսաստանի դեմ պատժամիջոցներին իրենց երկրի միանալու և Ուկրաինա զենք ուղարկելու ՆԱՏՕ-ի քայլի դեմ:
Ցուցարարները ցուցապաստառներ էին կրում, որոնց վրա գրված էր «Ոչ պատերազմին, ոչ պատժամիջոցներին, այո խաղաղությանը և աշխատանքին»:
