Իտալացիները բողոքել են թանկացումներից

Հարյուրավոր մարդիկ բողոքի ցույց են անցկացրել Իտալիայի մայրաքաղաք Հռոմում՝ կենսապայմանների թանկացման և սոցիալական անհավասարությունների դեմ։

Ըստ Iran Press-ի, ցուցարարները, աջակցելով խաղաղությանը և ընդդիմանալով Ուկրաինայի պատերազմին, նաև պահանջել են Իտալիայում սոցիալական և տնտեսական արդարության հաստատում և աշխատավարձերի բարձրացում։

Իտալական վիճակագրական կենտրոնի հրապարակած նախնական տվյալների համաձայն՝ այս երկրում գնաճը գտնվում է 13 տոկոսի շեմին, ինչն աննախադեպ է վերջին 4 տասնամյակում։

Հակակառավարական բողոքի ցույցի մասնակիցները քննադատել են նաև Իտալիայի նոր կառավարության քաղաքականությունն ապաստան հայցողների նկատմամբ և փախստականներ տեղափոխող նավերին երկրի նավահանգիստներում արտոնություն չտրամադրելը։