Աշխարհի առաջնության գավաթը հասել է Կատար

Աշխարհի ավելի քան 50 երկրներով ու տարածաշրջաններով անցնելուց հետո, կիրակի օրն աշխարհի առաջնության գավաթը հասել է Կատարի մայրաքաղաք Դոհա, որտեղ մի քանի օրից կմեկնարկի աշխարհի ֆուտբոլի 22-րդ առաջնությունը:

Ֆուտբոլի աշխարհի գավաթը պատրաստվել է 1974 թվականին՝ 18 հարգի ոսկուց, ունի 36,8 սմ բարձրություն և 6,1 կգ քաշ։

Գավաթը պատրաստվել է իտալական  Stabilimento Artistico Bertoni ոսկերչական ընկերության կողմից: Դրա վրա պատկերված են երկու մարդկային կերպարներ՝ որոնք բարձրացնում են գլոբուսը:

2018թ առաջնության գավաթը ստացել էր Ֆրանսիան:  

Ֆուտբոլի տղամարդկանց աշխարհի 22-րդ առաջնությունը կկայանա Կատարում՝ 2022 թվականի նոյեմբերի 20-ից դեկտեմբերի 18-ը։ Սա առաջին աշխարհի առաջնությունն է, որն անցկացվում է աշնանը։