Համաշխարհային տնտեսությունը կանգնած է ռեցեսիայի վտանգի առաջ. Սի Ծինփին
Չինաստանի Ժողովրդական Հանրապետության ղեկավար Սի Ծինփինը հայտարարել է, որ համաշխարհային տնտեսությունն արդեն կանգնած է ռեցեսիայի վտանգի առաջ։
Նա նշել է, որ առաջին հարվածը ստացել են զարգացող երկրները: Այս մասին Սի Ծինփինն ասել է Բալիում G20-ի գագաթնաժողովում, փոխանցում է ՏԱՍՍ-ը։
Չինաստանի ղեկավարը կարծում է, որ անհրաժեշտ է խթանել ավելի կայուն համաշխարհային զարգացում։
«Տնտեսական գլոբալիզացիան կանգնած է հակառակ փչող քամիների առաջ, համաշխարհային տնտեսությունը կանգնած է ռեցեսիայի վտանգի առաջ: Բոլորն էլ դժվարությունների են բախվում, իսկ առաջինը հարվածը ստացել են զարգացող երկրները»,- ասել է նա:
Սի Ծինփինը նաև կոչ է արել վերացնել գիտական և տեխնոլոգիական համագործակցության սահմանափակումները։ Նա նշել է, որ պարենային և էներգետիկ անվտանգությունն այսօր ամենահրատապ մարտահրավերներն են համաշխարհային զարգացման ոլորտում։
