Եգիպտոսի 4500-ամյա բուրգում թաքնված միջանցք է հայտնաբերվել
Մարտ 04, 2023 13:54 Asia/Tehran
Եգիպտոսի հնությունների գերագույն խորհուրդը հայտարարել է, որ Գիզայի 4500-ամյա Մեծ բուրգի գլխավոր մուտքի մոտ հայտնաբերվել է 9 մետր երկարությամբ և 2,1 մետր լայնությամբ թաքնված միջանցք:
Reuters լրատվական գործակալության հաղորդման համաձայն՝ բուրգի ներսում նոր հայտնագործությունը կատարվել է «Բուրգերի սկանավորում» կոչվող նախագծի շրջանակում։
«Բուրգերի սկանավորում» նախագծի շրջանակում իրականացվող աշխատանքները մեկնարկել են 2015 թվականին, որոնց ընթացքում օգտագործվում են ոչ ինվազիվ տեխնոլոգիաներ, ներառյալ ինֆրակարմիր ջերմագրություն, 3D սիմուլյացիաներ և տիեզերական ճառագայթների պատկերագրում՝ կառուցվածքի ներսը դիտելու համար:
Հինգշաբթի Nature ամսագրում հրապարակված հոդվածի համաձայն, հայտնագործությունը կարող է օգնել պարզել, թե ինչպես է կառուցվել բուրգը: