Արևմուտքը ֆաշիստական Գերմանիայի նման նոր առանցք է կառուցում. Պուտին
Արևմուտքը սկսել է կառուցել մի նոր առանցք, որը նման է 1930-ական թվականներին ֆաշիստական Գերմանիայի, Իտալիայի և ռազմատենչ Ճապոնիայի կառուցածին: Հայտարարել է ՌԴ նախագահ Վլադիմիր Պուտինը «Ռոսիա - 24» հեռուստաալիքով Պավել Զարուբինիի հետ հարցազրույցում:
Պուտինը հիշեցրել է, որ ՆԱՏՕ-ն համաձայնեցրել է դաշինքի նոր ռազմավարական հայեցակարգը՝ հայտարարելով դաշինքի գլոբալության մասին:
«Այնտեղ ուղղակիորեն գրված է, որ ՆԱՏՕ-ն պատրաստվում է զարգացնել հարաբերությունները Ասիա-խաղաղօվկիանոսյան տարածաշրջանի երկրների հետ։ Այնտեղ և՛ Նոր Զելանդիան է, և՛ Ավստրալիան, և՛ Հարավային Կորեան և այլն։ Հայտարարում են, որ ստեղծելու են գլոբալ ՆԱՏՕ»,– ասել Է Պուտինը։
Նրա խոսքով` հենց այդ պատճառով էլ արևմտյան վերլուծաբանները խոսում են նոր առանցքի մասին։
Պուտինը հավելել է, որ այս տարվա սկզբին Մեծ Բրիտանիան և Ճապոնիան ստորագրել են փոխադարձաբար բաց լինելու մասին համաձայնագիր` նկատի ունենալով ռազմական ոլորտում կապերի հաստատումն ու հարաբերությունների զարգացումը։
armeniasputnik.am
