Լավրովն Անկարայում հանդիպել է իր թուրք գործընկերոջ հետ
ՌԴ ԱԳ նախարար Սերգեյ Լավրովը, ով երկօրյա պաշտոնական այցով մեկնել է Անկարա, ուրբաթ օրը հանդիպել է իր թուրք գործընկեր Մևլութ Չավուշօղլուի հետ։
Կողմերը քննարկել են երկկողմ համագործակցության հեռանկարը, հատկապես էներգետիկայի և զբոսաշրջության ոլորտներում, ինչպես նաև տարածաշրջանային խնդիրներ, այդ թվում՝ Հայաստանի և Թուրքիայի միջև հարաբերությունների վերականգնման հարցը և Արևմտյան Ասիայի իրավիճակը։
Նախարարների հանդիպման առանցքում եղել են նաև ուկրաինական ճգնաժամի և դրա խաղաղ կարգավորման, Սև ծովով հացահատիկի արտահանման և միջազգային տնտեսական դերակատարների համար ռուսական գյուղմթերքների և գյուղատնտեսական պարարտանյութերի հասանելիության խոչընդոտների վերացման հարցերը։
Մոսկվայում Սիրիայի, Թուրքիայի, Ռուսաստանի և Իրանի փոխարտգործնախարարների քառակողմ խորհրդակցություններից հետո ակնկալվում է, որ նախարարները կանդրադառնան նաև Սիրիայի և Թուրքիայի հարաբերությունների կարգավորմանը։
Լավրովն ու Չավուշօղլուի հանցիպմանը քննարկվող հարցերից է նաև Ռուսաստանի մասնակցությամբ Ակկոյու ատոմակայանի կառուցման հարցը։
