Չավուշօղլուն ղարաբաղյան պատերազմից օգուտ է քաղում ընտրությունների համար
Թուրքիայի արտգործնախարար Մևլութ Չավուշօղլուն Գարահիսարում իշխող «Արդարություն և զարգացում» կուսակցության ընտրությունների համակարգման կենտրոնի բացման արարողության ժամանակ ասել է. «Եթե մենք անօդաչու սարքեր չարտադրեինք, Ադրբեջանի համար դժվար կլիներ գրավել Ղարաբաղը»։
Չավուշօղլուն հավելել է.«Այսօր Թուրքիան ռազմական արդյունաբերության ոլորտում ազգային և տեղական արտադրությունը հասցրել է 80%-ի։ Եթե չհասնեինք այս ցուցանիշին, եթե չարտադրեինք հարձակողական անօդաչու սարքեր, եթե չարտադրեինք բոլոր տեսակի ցամաքային, հակաօդային պաշտպանության և հարձակողական համակարգեր, այդ թվում՝ ուղղաթիռներ, Ադրբեջանի համար դժվար կլիներ գրավել Ղարաբաղը»։
Նա նաև ընդգծել է, որ Թուրքիան կշարունակի զարգացնել տեղական ռազմական արդյունաբերությունը և կփորձի նվազագույնի հասցնել այլ երկրներից կախվածությունը։