Սուդանում թալանել են ՄԱԿ-ի հումանիտար հարցերի համակարգման գրասենյակը
Ապրիլ 19, 2023 03:04 Asia/Tehran
ՄԱԿ-ի գլխավոր քարտուղարի հումանիտար հարցերով տեղակալ Մարտին Գրիֆիցը հայտարարել է, որ երկուշաբթի օրը Սուդանի Հարավային Դարֆուրում թալանվել է ՄԱԿ-ի հումանիտար հարցերի համակարգման գրասենյակը:
Նա նշել է. «Մենք հաղորդումներ ենք ստացել առաքելության անդամների նկատմամբ հարձակման և սեռական բռնության մասին»:
Ապրիլի 15-ին Սուդանում բախումներ են սկսվել բանակի և արագ արձագանքման ուժերի միջև: Բախումները դադարեցնելու և հակամարտող կողմերին բանակցությունների սեղանի շուրջ բերելու միջազգային միջնորդությունները մինչ օրս արդյունավետ չեն եղել։
Սուդանում ՄԱԿ-ի ներկայացուցիչը երկուշաբթի օրը հայտարարել է, որ բախումների հետևանքով զոհվել է 180 և վիրավորվել 1800 մարդ։