Բայրամովն ու Չավուշօղլուն քննարկել են հայ–ադրբեջանական բանակցությունները
Ադրբեջանի և Թուրքիայի արտգործնախարարներ Ջեյհուն Բայրամովն ու Մևլութ Չավուշօղլուն քննարկել են Վաշինգտոնում Երևանի և Բաքվի միջև կայացած բանակցությունները։
Տեղեկությունը հայտնում է Ադրբեջանի ԱԳՆ մամուլի ծառայությունը։
Ըստ հաղորդագրության` հեռախոսազրույցի ընթացքում երկու երկրների արտգործնախարարները Ադրբեջանի և Թուրքիայի միջև երկկողմանի և բազմակողմանի համագործակցությանն առնչվող հարցերի, ինչպես նաև տարածաշրջանում առկա իրավիճակի վերաբերյալ կարծիքներ են փոխանակել ։
«Նախարարները քննարկել են նաև Ադրբեջանի և Հայաստանի միջև խաղաղության համաձայնագրի նախագծին առնչվող բանակցությունները», – նշում է ԱԳՆ–ն։
Հիշեցնենք` մայիսի 1-ին ԱՄՆ Արլինգտոն քաղաքում կայացավ Բայրամովի և Միրզոյանի երկկողմ հանդիպումը, նույն օրը Վաշինգտոնում էլ` եռակողմ հանդիպում Արարատ Միրզոյանի, ԱՄՆ պետքարտուղար Էնթոնի Բլինկենի և Ադրբեջանի ԱԳ նախարար Ջեյհուն Բայրամովի միջև։
Մի քանի օր տևած բանակցություններն ավարտվեցին մայիսի 4–ին։
armeniasputnik.am