Թուրքիայի ընտրությունները՝ մեղադրանքների ու խոստումների ֆոնին
Թուրքիայում կայանալիք նախագահական ու խորհրդարանական ընտրություններից մի քանի օր առաջ օր առաջ, նախագահ Ռեջեփ Թայիփ Էրդողանը և նրա ամենալուրջ հակառակորդ Քեմալ Քըլըչդարօղլուն փորձում են բոլոր հնարավոր միջոցներով, այդ թովւմ՝ մեղադրանքներ հնչեցնելով, շահել հնարավրինս շատ ձայներ:
Pars Today-ի հայերեն բաժնի հաղորդմամբ՝ Աթաթուրքի օդանավակայանում կայացած նախընտրական հանրահավաքում Էրդողանը հայտարարել է. «Մենք թույլ չենք տա Քըլըչդարօղլուին ահաբեկչական կազմակերպությունների օգնությամբ մասնատել Թուրքիան»:
Իսկ Քըլըչդարօղլուն հայտարարել է. «Եթե ես դառնամ նախագահ, կկառուցեմ մայրուղի, որը կկապի Թուրքիան Չինաստանին: Այն կշրջանցի Ադրբեջանը և կանցնի Իրանի տարածքով»։
Որոշ փորձագետներ կարծում են, որ այս հայտարարության պատճառը կարող է լինել ընտրություններում Ադրբեջանի նախագահ Իլհամ Ալիևի հրապարակային աջակցությունը Էրդողանին: