ՄԱԿ-ի Մարդու իրավունքների խորհուրդը հաստատել է Ղուրանի այրումը դատապարտող բանաձեւը
Չորեքշաբթի օրը ՄԱԿ-ի Մարդու իրավունքների խորհուրդը հավանություն է տվել Ղուրանի դեմ ուղղված անարգանքը դատապարտելու իսլամական երկրների առաջարկած բանաձևին և պահանջել հետաքննել այս հարցը և այդ մասին զեկուցել Մարդու իրավունքների գերագույն հանձնակատարին:
Այս բանաձևում Մարդու իրավունքների գերագույն հանձնակատարի գրասենյակին և Մարդու իրավունքների խորհրդի այլ մեխանիզմներին կոչ է արվել հաշվի առնելով կրոնները վիրավորելու հարցի քրեականացման իրավական բացերը, անհրաժեշտ խորհուրդներ ու առաջարկներ ներկայացնել այդ օրինական բացերը վերացնելու համար:
Բանաձևը, որը Պակիստանը ներկայացրել է Իսլամական համագործակցության կազմակերպության անդամ 57 երկրների անունից, կոչ է անում ՄԱԿ-ի գլխավոր քարտուղարին զեկույց հրապարակել կրոնական ատելության մասին և կառավարություններից պահանջել վերանայել իրենց օրենքները և բացահայտել այն բացերը, որոնք կարող են խոչընդոտել ատելության տարածման կանխումը:
Իսլամական երկրների ներկայացուցիչները իսլամն անվանել են խաղաղության և եղբայրության կրոն և հայտարարել,որ Սուրբ Ղուրանը և այլ աստվածային կրոնների Սուրբ գրքերը վիրավորելը ատելություն, խտրականություն և թշնամանք է առաջացնում ,որը իսլամաֆոբիայի դրսևորումներից է, և որի նկատմամբ պետք է լուրջ մոտեցում ցուցաբերել:
ԱՄՆ-ն և Եվրամիությունը կտրականապես դեմ են արտահայտվել բանաձեւի ընդունմանը` պնդելով, որ այն հակասում է մարդու իրավունքների և խոսքի ազատության վերաբերյալ իրենց տեսակետներին: Այդ կապակցությամբ որոշ եվրոպական երկրներ, ինչպես նաև ԱՄՆ-ն և Բրիտանիան դեմ են քվեարկել այս բանաձևին։ Արեւմտյան երկրները պնդում են, որ այս բանաձեւը մարտահրավեր է նետում այսպես կոչված իրավունքների եւ խոսքի ազատության պաշտպանության ոլորտում արված վաղեմի քայլերին։
