Հնդկաստանի իշխանություններն առաջարկել են վերանվանել երկիրը
Հնդկաստանի իշխանություններն առաջարկել են վերանվանել երկիրը։ Նարենդրա Մոդիի ղեկավարած կառավարությունը մտադիր է բանաձև ներկայացնել խորհրդարանի քննարկմանը, որի նստաշրջանը կայանալու է սեպտեմբերի 18–22–ը։ Այդ մասին հայտնել է Times Now-ն նախարարների կաբինետում իր աղբյուրների վրա հղումով։
Առաջարկը հիմնավորվում է նրանով, որ Հնդկաստան (India) անվանումը տրվել է երկրին Մեծ Բրիտանիայի կողմից՝ գաղութատիրական կառավարման շրջանում, և այսպիսով հանդիսանում է «ստրկության խորհրդանիշ», մինչդեռ երկիրը դարեր և հազարամյակներ ի վեր կոչվել է Բհարատ, գրում է ՌԲԿ–ն։
Երկիրը վերանվանելու մտադրությունները հաստատել է Ազգային կոնգրեսի ղեկավար Ջայրամ Ռամեշը։ Նա նշել է, որ նախագահական պալատը հրավերներ է ուղարկել G20–ի երկրներին Բհարատի նախագահի անունից։
«Նշանակում է, նորությունը համապատասխանում է իրականությանը»,–գրել է Ռամեշը Twitter–ում։
Ըստ երկրի սահմանադրության երկրում 2 պաշտոնական լեզու կա՝ անգլերեն և հինդու։ Անգլերեն երկիրը կոչվում է India, իսկ հինդիով՝ Բհարատ։
India բառն առաջացել է Ինդ գետի անվանումից, որը տեսել են երկիր հասած եվրոպացիները։ Իրենք հնդիկներն այդ գետն անվանում են Սինդհու։
panarmenian.net
