Ադրբեջանը և Թուրքիան կարևորում են միմյանց հետ ռազմական համագործակցությունը

Ադրբեջանի նախագահը և Թուրքիայի պաշտպանության նախարարը քննարկել են ռազմական համագործակցության ընդլայնման ուղիները։

Ադրբեջանի նախագահ Իլհամ Ալիևը և Թուրքիայի պաշտպանության նախարար Յաշար Գյուլերը երեկ (երեքշաբթի) Բաքվում կայացած հանդիպման ժամանակ անդրադարձել են երկու երկրների հաջող համագործակցությանը բոլոր ոլորտներում, այդ թվում՝ ռազմական ոլորտում։

Ալիևն ու Գյուլերն ընդգծել են նաև Ադրբեջանի և Թուրքիայի ղեկավարների միջև կանոնավոր հանդիպումների և շփումների դերը և Թուրքիայի նախագահ Ռեջեփ Թայիփ Էրդողանի 2023 թվականի սեպտեմբերին Նախիջևան կատարած այցի կարևորությունը։

Բաքվում Թուրքիայի պաշտպանության նախարարի և Ադրբեջանի նախագահի հանդիպումը կայացել է այն դեպքում, երբ երկու երկրները երկուշաբթի օրվանից  եռօրյա զորավարժություններ են սկսել Ադրբեջանի Հանրապետության տարածքում։

Թուրքիան 2020 թվականին Հայաստանի և Ադրբեջանի միջև տեղի ունեցած ղարաբաղյան երկրորդ պատերազմի ընթացքում, որը հանգեցրել է այս երկրի հաղթանակին, աջակցել է Բաքվին։